星島日報 (2001-08-21)


少林足球百萬富翁現場提水 星爺夥拍李敏百發百中

《少林足球百萬富翁慈善夜》前晚在亞視總台進行錄影,並於昨晚八時播出,由周星馳率領一班「師兄」及演員分四組作答,星爺更夥拍才女李敏上陣。

星 爺 在 節 目 開 始 前 , 謙 稱 自 己 可 能 一 毫 子 都 唔 到 , 但 幸 有 才 女 李 敏 做 拍 檔 , 所 以 冇 有 怕 。 星 爺 答 問 題 時 , 全 場 掌 聲 雷 動 , 但 現 場 觀 眾 通 水 打 籠 通 , 致 令 星 爺 與 李 敏 一 組 把 十 五 條 問 題 全 部 「 百 發 百 中 」 , 贏 得 一 百 萬 元 。

其 中 兩 條 較 為 有 趣 的 問 題 是 「 人 類 的 眼 球 每 個 約 重 多 少 ? 」 李 敏 不 識 答 , 即 場 打 電 話 向 一 位 醫 生 查 詢 , 但 該 位 醫 生 也 不 識 作 答 , 於 是 星 爺 便 鼓 起 勇 氣 答 「 七 克 」 , 因 為 7是 其 Lucky Number, 果 然 就 碰 巧 答 中 , 認 真 搞 笑 。

另 一 題 為 「 恐 龍 中 的 馬 門 溪 龍 最 大 的 特 徵 是 甚 麼 ? 」 李 敏 話 「 脖 子 長 」 , 星 爺 話 「 尾 巴 短 」 , 兩 人 爭 持 不 下 , 最 後 李 敏 拗 贏 , 當 然 又 答 中 啦 !

至 於 其 他 參 賽 者 中 , 黃 一 飛 與 陳 國 坤 得 十 五 萬 元 ; 李 卉 與 林 子 聰 答 到 第 五 題 時 「 止 步 」 , 空 手 而 回 ; 而 田 啟 文 與 曾 謹 昌 則 答 中 十 一 題 , 贏 得 六 萬 元 ; 所 有 善 款 都 會 捐 給 瑪 麗 醫 院 病 童 。 期 間 星 爺 笑 罵 肥 仔 聰 一 分 都 唔 到 , 畀 晒 壓 力 佢 。

做 完 騷 後 , 星 爺 開 心 地 宣 布 另 一 喜 訊 , 就 是 《 少 林 足 球 》 票 房 已 打 破 全 港 紀 錄 , 可 謂 雙 喜 臨 門 。 星 爺 話 : 「 有 信 心 衝 破 六 千 萬 。 會 點 慶 祝 ? 呢 輪 宣 傳 多 , 冇 時 間 慶 祝 , 但 破 六 千 萬 後 一 定 請 成 班 人 去 旅 行 。 」

而 《 百 》 的 主 持 陳 啟 泰 在 港 台 的 電 話 錄 音 訪 問 中 , 被 問 到 對 於 和 《 一 筆 Out消 》 正 面 交 鋒 有 何 感 覺 , 啟 泰 回 答 得 很 客 氣 , 但 原 來 另 有 玄 機 。

他 謂 : 「 Do Do主 持 這 個 節 目 都 幾 慘 , 因 為 當 初 我 ] 係 從 《 百 萬 富 翁 》 和 《 一 筆 OUT消 》 兩 個 節 目 中 選 購 其 中 之 一 , 最 後 老 闆 發 現 《 百 》 在 世 界 各 地 的 成 績 都 比 《 一 》 好 , 所 以 最 後 決 定 買 《 百 》 , Do Do被 逼 做 一 個 成 績 冇 咁 好 節 目 , 都 幾 難 做 。 不 過 Do Do咁 鍾 意 挑 戰 , 應 該 會 好 開 心 。 可 惜 我 今 晚 有 工 作 在 身 睇 唔 到 , 但 係 我 會 叫 太 太 幫 我 錄 起 , 向 Do Do學 。 」


文章版權屬於星島日報所有,未經批准,不得翻印。
文章由慧科訊業有限公司提供。